aaKHir-e-shab bhi kisi KHwab ki ummid mein hun

āḳhir-e-shab bhī kisī ḳhvāb kī ummīd meñ huuñ

ik na.ī sub.h na.e din na.e ḳhurshīd meñ huuñ

mujh se vo kaise kare harf-o-hikāyat āġhāz

maiñ abhī silsila-e-harf kī tamhīd meñ huuñ

mujh meñ bhī faqr kī halkī sī jhalak miltī hai

hai mujhe faḳhr ki ik sūrat-e-taqlīd meñ huuñ

maiñ ne dekhā hai use yā nahīñ dekhā us ko

maiñ abhī tak to usī kashmakash-e-dīd meñ huuñ

merī har saañs hai isbāt-o-nafī kī takrār

mujh ko kyā ilm ki kab hālat-e-tardīd meñ huuñ

sar-kashīda huuñ to kyā madd-e-muqābil huuñ to kyā

mere qātil maiñ tirī teġh kī tā.īd meñ huuñ

ḳhushk shāḳhoñ meñ abhī zauq-e-numū baaqī hai

maiñ na.ī rut se phir ik ahd kī tajdīd meñ huuñ

aaKHir-e-shab bhi kisi KHwab ki ummid mein hun

ek nai subh nae din nae KHurshid mein hun

mujh se wo kaise kare harf-o-hikayat aaghaz

main abhi silsila-e-harf ki tamhid mein hun

mujh mein bhi faqr ki halki si jhalak milti hai

hai mujhe faKHr ki ek surat-e-taqlid mein hun

main ne dekha hai use ya nahin dekha us ko

main abhi tak to usi kashmakash-e-did mein hun

meri har sans hai isbaat-o-nafi ki takrar

mujh ko kya ilm ki kab haalat-e-tardid mein hun

sar-kashida hun to kya madd-e-muqabil hun to kya

mere qatil main teri tegh ki taid mein hun

KHushk shaKHon mein abhi zauq-e-numu baqi hai

main nai rut se phir ek ahd ki tajdid mein hun