aaKHir wo apne pyar ka izhaar kar gae

āḳhir vo apne pyaar kā iz.hār kar ga.e

inkār kar rahe the jo iqrār kar ga.e

chorī kā Dar nahīñ rahā dil ke makān meñ

jab se khaḌī vafā kī vo dīvār kar ga.e

un se mile na the to kabhī ham ġharīb the

de kar matā-e-ishq vo zardār kar ga.e

aa.e jo dil ḳharīdne bāzār-e-ishq meñ

nīlām apnā dil sar-e-bāzār kar ga.e

sad-āfrīñ ki so.e hue har javān ko

'jauhar' kalīmī zarb se bedār kar ga.e

aaKHir wo apne pyar ka izhaar kar gae

inkar kar rahe the jo iqrar kar gae

chori ka Dar nahin raha dil ke makan mein

jab se khaDi wafa ki wo diwar kar gae

un se mile na the to kabhi hum gharib the

de kar mata-e-ishq wo zardar kar gae

aae jo dil KHaridne bazar-e-ishq mein

nilam apna dil sar-e-bazar kar gae

sad-afrin ki soe hue har jawan ko

'jauhar' kalimi zarb se bedar kar gae