aaKHirash hum faqat hath malte rahe

āḳhirash ham faqat haath malte rahe

pyaar ke naam par log chhalte rahe

din-ba-din ishq kā rang phīkā paḌā

din-ba-din yaar ke va.ade Talte rahe

aage pīchhe koī jab na apne rahā

god meñ dard kī phūle phalte rahe

choT gahrī lagī ab lagī so lagī

ik dafa bas gire phir sañbhalte rahe

baad meñ ḳhaak meñ sab ke sab mil ga.e

ishq kī aag meñ jo bhī jalte rahe

chhoḌ kar ishq ko aur bhī kaam the

terī galiyoñ meñ yuuñ hī Tahalte rahe

zaḳhm-e-dil kā koī jab na chāra huā

dard baḌhtā gayā rog palte rahe

is divālī bhī 'sohil' huā phir vahī

aarzū bujh ga.ī diip jalte rahe

aaKHirash hum faqat hath malte rahe

pyar ke nam par log chhalte rahe

din-ba-din ishq ka rang phika paDa

din-ba-din yar ke wade Talte rahe

aage pichhe koi jab na apne raha

god mein dard ki phule phalte rahe

choT gahri lagi ab lagi so lagi

ek dafa bas gire phir sanbhalte rahe

baad mein KHak mein sab ke sab mil gae

ishq ki aag mein jo bhi jalte rahe

chhoD kar ishq ko aur bhi kaam the

teri galiyon mein yun hi Tahalte rahe

zaKHm-e-dil ka koi jab na chaara hua

dard baDhta gaya rog palte rahe

is diwali bhi 'sohil' hua phir wahi

aarzu bujh gai dip jalte rahe