aaKHirash ek alamat haqiqat bani

āḳhirash ik alāmat haqīqat banī

baT ga.e the havāoñ meñ dukh-sukh sabhī

phir vahī be-karāñ ek be-kal ḳhalā

phir safar-tā-safar sirf ik gumrahī

ek uslūb-e-sāda rivāyat banā

phir fazāoñ pe ik tishnagī chhā ga.ī

yuuñ farāmoshiyāñ ho ga.iiñ kāmrāñ

be-hisī dil pe phir hukmrāñ ho ga.ī

ek bedār nashshe kī sūrat liye

khul ga.ī ruup kī shabnamī tāzgī

silsila toḌ kar shoḳh lamhāt kā

āgahī bechtā rah gayā aadmī

aaj māyūs manzar se ham bhī na the

phir fazāoñ meñ thī boltī ḳhāmushī

aaKHirash ek alamat haqiqat bani

baT gae the hawaon mein dukh-sukh sabhi

phir wahi be-karan ek be-kal KHala

phir safar-ta-safar sirf ek gumrahi

ek uslub-e-sada riwayat bana

phir fazaon pe ek tishnagi chha gai

yun faramoshiyan ho gain kaamran

be-hisi dil pe phir hukmran ho gai

ek bedar nashshe ki surat liye

khul gai rup ki shabnami tazgi

silsila toD kar shoKH lamhat ka

aagahi bechta rah gaya aadmi

aaj mayus manzar se hum bhi na the

phir fazaon mein thi bolti KHamushi