aalam-e-hu tere wahshi ne jab aabaad kiya

ālam-e-hū tire vahshī ne jab ābād kiyā

arsh ko phūñk diyā farsh ko barbād kiyā

tere jalve ne dil-e-zār ko ābād kiyā

tū hameñ bhuul gayā ham ne tujhe yaad kiyā

ye pas-e-girya-o-zārī ḳhalish-e-pā kaisī

shāyad ab vādī-e-vahshat ne mujhe yaad kiyā

chand tinke the faqat merā nasheman kyā thā

un pe bhī barq girī un ko bhī barbād kiyā

ham se pūchhe koī anjām-e-mohabbat kyā hai

ham ne aalam tah-o-bālā dam-e-fariyād kiyā

apnī nākāmī-e-taqdīr pe rone vaale

va.ada-e-roz-e-azal tū ne kabhī yaad kiyā

thī yahī āqibat-andeshī-e-dil ai 'zāhir'

mujh ko be-fā.eda kam-baḳht ne barbād kiyā

aalam-e-hu tere wahshi ne jab aabaad kiya

arsh ko phunk diya farsh ko barbaad kiya

tere jalwe ne dil-e-zar ko aabaad kiya

tu hamein bhul gaya hum ne tujhe yaad kiya

ye pas-e-girya-o-zari KHalish-e-pa kaisi

shayad ab wadi-e-wahshat ne mujhe yaad kiya

chand tinke the faqat mera nasheman kya tha

un pe bhi barq giri un ko bhi barbaad kiya

hum se puchhe koi anjam-e-mohabbat kya hai

hum ne aalam tah-o-baala dam-e-fariyaad kiya

apni nakaami-e-taqdir pe rone wale

wada-e-roz-e-azal tu ne kabhi yaad kiya

thi yahi aaqibat-andeshi-e-dil ai 'zahir'

mujh ko be-faeda kam-baKHt ne barbaad kiya