aalam ho koi sahib-e-kirdar milenge

'ālam ho koī sāhib-e-kirdār mileñge

ham ahl-e-muhabbat haiñ vafādār mileñge

shaidā.ī vatan ke hoñ ki kundan se badan ke

dīvāne sadā surḳhi-e-aḳhbār mileñge

duniyā unheñ dīvāna samajhtī hai to samjhe

zehn un ke tirī raah meñ bedār mileñge

jis ghar meñ tire chāhne vaale nazar aa.eñ

us ghar ke mo'attar dar-o-dīvār mileñge

ġham ke hoñ ḳhushī ke hoñ ḳhirad ke ki junūñ ke

bin us ke sabhī rāste dushvār mileñge

shohrat kī jinheñ bhuuk na daulat kī havas ho

is daur meñ aise kahāñ fankār mileñge

un ko koī tūfān kahāñ rok sakā hai

'gulshan' ho yaqīñ jin ko vo us paar mileñge

'alam ho koi sahib-e-kirdar milenge

hum ahl-e-muhabbat hain wafadar milenge

shaidai watan ke hon ki kundan se badan ke

diwane sada surKHi-e-aKHbar milenge

duniya unhen diwana samajhti hai to samjhe

zehn un ke teri rah mein bedar milenge

jis ghar mein tere chahne wale nazar aaen

us ghar ke mo'attar dar-o-diwar milenge

gham ke hon KHushi ke hon KHirad ke ki junun ke

bin us ke sabhi raste dushwar milenge

shohrat ki jinhen bhuk na daulat ki hawas ho

is daur mein aise kahan fankar milenge

un ko koi tufan kahan rok saka hai

'gulshan' ho yaqin jin ko wo us par milenge