aalam koi shagufta na KHwabida dekhna

'ālam koī shagufta na ḳhvābīda dekhnā

manzar jo dekhnā hai to nādīda dekhnā

hastī hai ik kitāb-e-parīshīda dekhnā

kyā kyā varaq varaq se hai chaspīda dekhnā

sar par hai mere ḳhaak na dāman hai merā chaak

mausam mire junūñ kā hai sanjīda dekhnā

lamhe ke hijr meñ kisī sā'at ke sog meñ

āñkheñ sadī sadī kī haiñ nam-dīda dekhnā

pahchān 'mīr' kī hai na 'mirzā' kī hai shanāḳht

vo shaḳhs kis qadar hai adab-dīda dekhnā

ai ārzū-e-dīd isī jurm-e-dīd meñ

maare ga.e haiñ kitne jahāñ-dīda dekhnā

nadiyāñ lahū kī saikḌoñ haiñ kis kī ḳhaak meñ

ye kaun ḳhāk-o-ḳhūñ meñ hai ġhaltīda dekhnā

kyā jaane apnī jaan pe kis vaqt gir paḌe

ye jism kā makān hai bosīda dekhnā

'vasfī' ye jis gagan se ubaltī hai chāñdnī

sūraj usī gagan meñ hai poshīda dekhnā

'alam koi shagufta na KHwabida dekhna

manzar jo dekhna hai to nadida dekhna

hasti hai ek kitab-e-parishida dekhna

kya kya waraq waraq se hai chaspida dekhna

sar par hai mere KHak na daman hai mera chaak

mausam mere junun ka hai sanjida dekhna

lamhe ke hijr mein kisi sa'at ke sog mein

aankhen sadi sadi ki hain nam-dida dekhna

pahchan 'mir' ki hai na 'mirza' ki hai shanaKHt

wo shaKHs kis qadar hai adab-dida dekhna

ai aarzu-e-did isi jurm-e-did mein

mare gae hain kitne jahan-dida dekhna

nadiyan lahu ki saikDon hain kis ki KHak mein

ye kaun KHak-o-KHun mein hai ghaltida dekhna

kya jaane apni jaan pe kis waqt gir paDe

ye jism ka makan hai bosida dekhna

'wasfi' ye jis gagan se ubalti hai chandni

suraj usi gagan mein hai poshida dekhna