aandhiyan aati hain aur peD gira karte hain
āñdhiyāñ aatī haiñ aur peḌ girā karte haiñ
hādse ye to yahāñ roz huā karte haiñ
un ke dil meñ bhī koī khoj to pinhāñ hogī
ye parinde jo havāoñ meñ uḌā karte haiñ
ḳhuun kā rañg liye garm dhueñ ke bādal
sard aḳhbār ke siine se uThā karte haiñ
in añdheroñ meñ koī raah to raushan hotī
ye sitāre to har ik raat jalā karte haiñ
haar ke zaḳhm kabhī jiit kī lazzat bhī kabhī
ham tasavvur meñ ka.ī khel rachā karte haiñ
jin ke chehroñ pe koī dhuup na saayā koī
un makānoñ meñ ajab log rahā karte haiñ
din ke sahrā meñ jise DhūñD na paa.eñ 'fikrī'
shab ke jañgal meñ vo āvāz sunā karte haiñ
aandhiyan aati hain aur peD gira karte hain
hadse ye to yahan roz hua karte hain
un ke dil mein bhi koi khoj to pinhan hogi
ye parinde jo hawaon mein uDa karte hain
KHun ka rang liye garm dhuen ke baadal
sard aKHbar ke sine se uTha karte hain
in andheron mein koi rah to raushan hoti
ye sitare to har ek raat jala karte hain
haar ke zaKHm kabhi jit ki lazzat bhi kabhi
hum tasawwur mein kai khel racha karte hain
jin ke chehron pe koi dhup na saya koi
un makanon mein ajab log raha karte hain
din ke sahra mein jise DhunD na paen 'fikri'
shab ke jangal mein wo aawaz suna karte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
