aane do apne pas mujhko

aane do apne paas mujh ko

karnā hai kuchh iltimās mujh ko

tere ye jaur kab sahūñ maiñ

gar ishq kā ho na paas mujh ko

do tifl-mizāj shīsha-dil meñ

kis tarah na ho hirās mujh ko

lagtā hai na ghar meñ dil na bāhar

kis ne ye kiyā udaas mujh ko

kyā haal kahūñ ki dekh us ko

rahte hī nahīñ havās mujh ko

ai nik.hat-e-gul parī hī rah tū

aanā hai usī ke paas mujh ko

muñh pherā bhī na us taraf se

Tuk hone de rū-shanās mujh ko

uTh jā.ūñgā ek din ḳhafā ho

yahāñ tak na karo udaas mujh ko

gar haiñ yahī jaur us ke 'bedār'

bachne kī nahīñ hai aas mujh ko

aane do apne pas mujh ko

karna hai kuchh iltimas mujh ko

tere ye jaur kab sahun main

gar ishq ka ho na pas mujh ko

do tifl-mizaj shisha-dil mein

kis tarah na ho hiras mujh ko

lagta hai na ghar mein dil na bahar

kis ne ye kiya udas mujh ko

kya haal kahun ki dekh us ko

rahte hi nahin hawas mujh ko

ai nikhat-e-gul pari hi rah tu

aana hai usi ke pas mujh ko

munh phera bhi na us taraf se

Tuk hone de ru-shanas mujh ko

uTh jaunga ek din KHafa ho

yahan tak na karo udas mujh ko

gar hain yahi jaur us ke 'bedar'

bachne ki nahin hai aas mujh ko