aane ki paDi hai kabhi jaane ki paDi hai

aane kī paḌī hai kabhī jaane kī paḌī hai

is dil ko faqat milne milāne kī paḌī hai

bādal bhī lagātār haiñ chhā.e hue is par

aur chāñd ko sūrat bhī dikhāne kī paḌī hai

lāsheñ bhī paḌī haiñ yahāñ chīḳheñ bhī bahut haiñ

is vaqt bhī logoñ ko ḳhazāne kī paḌī hai

ik baar use maiñ ne faqat jaan kahā thā

ab us se mujhe jaan chhuḌāne kī paḌī hai

vo kal kā shikārī hai use pal kī ḳhabar kyā

jangal meñ use ghaat lagāne kī paḌī hai

sab chor luTere haiñ yahāñ kaun valī hai

aise meñ bhī 'zebī' ko zamāne kī paḌī hai

aane ki paDi hai kabhi jaane ki paDi hai

is dil ko faqat milne milane ki paDi hai

baadal bhi lagatar hain chhae hue is par

aur chand ko surat bhi dikhane ki paDi hai

lashen bhi paDi hain yahan chiKHen bhi bahut hain

is waqt bhi logon ko KHazane ki paDi hai

ek bar use main ne faqat jaan kaha tha

ab us se mujhe jaan chhuDane ki paDi hai

wo kal ka shikari hai use pal ki KHabar kya

jangal mein use ghat lagane ki paDi hai

sab chor luTere hain yahan kaun wali hai

aise mein bhi 'zebi' ko zamane ki paDi hai