aane ko to baalin par wo jaan-e-bahaar aaya

aane ko to bālīñ par vo jān-e-bahār aaya

lekin dil-e-muztar ko phir bhī na qarār aaya

har rahbar-e-manzil se pūchhā hai nishāñ terā

kar mujh pe yaqīñ tujh ko har samt pukār aaya

andāz-e-taġhāful par ġhussa thā bahut lekin

vo sāmne jab aa.e be-sāḳhta pyaar aaya

ai ahl-e-ḳhirad tum ne ulTā na naqāb un kā

aur merā junūñ jā kar zulfoñ ko sañvār aaya

the merī tabī.at par jo baar 'kalīm' ab tak

pāband-e-ḳhirad rah kar vo din bhī guzār aaya

aane ko to baalin par wo jaan-e-bahaar aaya

lekin dil-e-muztar ko phir bhi na qarar aaya

har rahbar-e-manzil se puchha hai nishan tera

kar mujh pe yaqin tujh ko har samt pukar aaya

andaz-e-taghaful par ghussa tha bahut lekin

wo samne jab aae be-saKHta pyar aaya

ai ahl-e-KHirad tum ne ulTa na naqab un ka

aur mera junun ja kar zulfon ko sanwar aaya

the meri tabiat par jo bar 'kalim' ab tak

paband-e-KHirad rah kar wo din bhi guzar aaya