aane laga maza use pahle paDao par

aane lagā maza use pahle paḌāo par

hairān huuñ maiñ āḳhirī manzar ko soch kar

merī nazar se duur tū hone lagā magar

tā-'umr merī diid ko tarse tirī nazar

vīrāñ dikhā.ī de rahā jo gaañv duur tak

maujūd thā yahīñ kabhī merā bhī ek ghar

banjar zamīñ ko ḳhuun se sīñchā khilā.e phuul

tūfāñ kī zad meñ aa ga.e phir ek din shajar

qismat ne mujh ko dekh le luuTā hai kis tarah

andāza lag rahā hai mirī shakl dekh kar

bachpan meñ bhaa.ī chal basā us kā bhī dukh sahā

kuchh saal baa'd aa ga.ī maañ baap kī ḳhabar

do chaar din se vo bhī hai rūThā huā bahut

khāne lagā hai mujh ko bhī khone kā us ko Dar

aane laga maza use pahle paDao par

hairan hun main aaKHiri manzar ko soch kar

meri nazar se dur tu hone laga magar

ta-'umr meri did ko tarse teri nazar

viran dikhai de raha jo ganw dur tak

maujud tha yahin kabhi mera bhi ek ghar

banjar zamin ko KHun se sincha khilae phul

tufan ki zad mein aa gae phir ek din shajar

qismat ne mujh ko dekh le luTa hai kis tarah

andaza lag raha hai meri shakl dekh kar

bachpan mein bhai chal basa us ka bhi dukh saha

kuchh sal ba'd aa gai man bap ki KHabar

do chaar din se wo bhi hai ruTha hua bahut

khane laga hai mujh ko bhi khone ka us ko Dar