aane lagi hai zahr ki KHushbu shumal se

aane lagī hai zahr kī ḳhushbū shumāl se

jhalkegā rañg ḳhuun kā asr-e-zavāl se

haiñ darj aane vaalī rutoñ ke hisāb meñ

patte jhaḌe hue shajar-e-māh-o-māl se

ḳhvāhish ke kārobār kī rasmeñ badal ga.iiñ

milte haiñ phuul baḌh ke ḳhud apne ma.aal se

gul-dān meñ sajī huī kaliyoñ ko kyā ḳhabar

kyā pūchhtī hai bād-e-sabā Daal Daal se

zāhir haiñ pairahan kī sapedī se tiin rañg

ḳhushbū kī ābshār-e-ravāñ sabz shaal se

pardoñ kī sarsarāhaTeñ būñdoñ ke ral-taral

khultā hai dar havā-e-shab-e-barshgāl se

tū hī hujūm-e-shahr meñ pahchān le mujhe

maiñ āshnā nahīñ huuñ tire ḳhadd-o-ḳhāl se

ab tak harīf-e-sañg samajhtā thā maiñ use

ye aa.ina to TuuT gayā dekh bhaal se

andhoñ kī anjuman meñ jalāte ho mish.aleñ

irshād kuchh na pāoge kasb-e-kamāl se

aane lagi hai zahr ki KHushbu shumal se

jhalkega rang KHun ka asr-e-zawal se

hain darj aane wali ruton ke hisab mein

patte jhaDe hue shajar-e-mah-o-mal se

KHwahish ke karobar ki rasmen badal gain

milte hain phul baDh ke KHud apne maal se

gul-dan mein saji hui kaliyon ko kya KHabar

kya puchhti hai baad-e-saba Dal Dal se

zahir hain pairahan ki sapedi se tin rang

KHushbu ki aabshaar-e-rawan sabz shaal se

pardon ki sarsarahaTen bundon ke ral-taral

khulta hai dar hawa-e-shab-e-barshgal se

tu hi hujum-e-shahr mein pahchan le mujhe

main aashna nahin hun tere KHadd-o-KHal se

ab tak harif-e-sang samajhta tha main use

ye aaina to TuT gaya dekh bhaal se

andhon ki anjuman mein jalate ho mishalen

irshad kuchh na paoge kasb-e-kamal se