aangan aangan KHana-KHarabi hansti hai meamaron par

āñgan āñgan ḳhāna-ḳharābī hañstī hai me.amāroñ par

patthar kī chhat Dhaal rahe haiñ shīshe kī dīvāroñ par

zaḳhm lage to bas ye jaano choT paḌī naqqāroñ par

aaj lagā do jaan kī baazī TuuT paḌo talvāroñ par

ahl-e-junūñ kī lāla-kārī mausam kī pāband nahīñ

fasl-e-ḳhizāñ meñ phuul khule haiñ zindāñ kī dīvāroñ par

dil ke ufuq se TuuT ga.e haiñ kitne sūraj kitne chāñd

Tapke haiñ do-chār sitāre jab tere ruḳhsāroñ par

kahte haiñ ḳhush-qāmat kis ko dekh nikal kar gulshan se

kaise kaise sarv-e-ra.anā chalte haiñ añgāroñ par

is sāhil par naav paḌī hai us sāhil par māñjhī hai

beach nadī meñ tairtī lāsho pul ban jaao dhāroñ par

aangan aangan KHana-KHarabi hansti hai meamaron par

patthar ki chhat Dhaal rahe hain shishe ki diwaron par

zaKHm lage to bas ye jaano choT paDi naqqaron par

aaj laga do jaan ki bazi TuT paDo talwaron par

ahl-e-junun ki lala-kari mausam ki paband nahin

fasl-e-KHizan mein phul khule hain zindan ki diwaron par

dil ke ufuq se TuT gae hain kitne suraj kitne chand

Tapke hain do-chaar sitare jab tere ruKHsaron par

kahte hain KHush-qamat kis ko dekh nikal kar gulshan se

kaise kaise sarw-e-rana chalte hain angaron par

is sahil par naw paDi hai us sahil par manjhi hai

beach nadi mein tairti lasho pul ban jao dhaaron par