aankh be-KHwab hui hai kaisi
aañkh be-ḳhvāb huī hai kaisī
ye havā ab ke chalī hai kaisī
tū mirī yaad meñ rotā to nahīñ
ye havāoñ meñ namī hai kaisī
saaya hai aur kashīda kitnā
dhuup hai aur kaḌī hai kaisī
kaisā soyā hai muqaddar apnā
aur zamīñ ghuum rahī hai kaisī
rasm-e-duniyā hai jise jaanā hai
ham pe uftād paḌī hai kaisī
guñg haiñ zinda-dilān-e-lahore
rasm-e-pursish bhī uThī hai kaisī
aankh be-KHwab hui hai kaisi
ye hawa ab ke chali hai kaisi
tu meri yaad mein rota to nahin
ye hawaon mein nami hai kaisi
saya hai aur kashida kitna
dhup hai aur kaDi hai kaisi
kaisa soya hai muqaddar apna
aur zamin ghum rahi hai kaisi
rasm-e-duniya hai jise jaana hai
hum pe uftad paDi hai kaisi
gung hain zinda-dilan-e-lahore
rasm-e-pursish bhi uThi hai kaisi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
