aankh hai ek kaTora pani ka

aañkh hai ik kaTorā paanī kā

aur ye hāsil hai zindagānī kā

rā.egāñ kar gayā mujhe āḳhir

ḳhauf aisā thā rā.egānī kā

chal nikaltā hai silsila aksar

ḳhush-gumānī se bad-gumānī kā

dard botā huuñ zaḳhm khilte haiñ

hai bahut shauq bāġh-bānī kā

kyā Thikāna ġham-o-ḳhushī kā ho

dil ilāqa hai lā-makānī kā

jā ke dariyā meñ pheñk aayā huuñ

ye kyā hai tirī nishānī kā

jis kā anjām hī nahīñ koī

maiñ huuñ kirdār us kahānī kā

mudda.ā nazm ho nahīñ paayā

sher dhoka hai tarjumānī kā

aankh hai ek kaTora pani ka

aur ye hasil hai zindagani ka

raegan kar gaya mujhe aaKHir

KHauf aisa tha raegani ka

chal nikalta hai silsila aksar

KHush-gumani se bad-gumani ka

dard bota hun zaKHm khilte hain

hai bahut shauq bagh-bani ka

kya Thikana gham-o-KHushi ka ho

dil ilaqa hai la-makani ka

ja ke dariya mein phenk aaya hun

ye kya hai teri nishani ka

jis ka anjam hi nahin koi

main hun kirdar us kahani ka

muddaa nazm ho nahin paya

sher dhoka hai tarjumani ka