aankh ke sahil par aate hi ashk hamare Dub gae

aañkh ke sāhil par aate hī ashk hamāre Duub ga.e

ġham kā sāvan itnā barsā saare sahāre Duub ga.e

is ko khel kaheñ qismat kā yā ham dariyā kī sāzish

tūfānoñ se bach nikle to aa ke kināre Duub ga.e

jazba-e-mohabbat ye to batā kab aa.egā aane vaalā

raat simaTtī jaatī hai aur chāñd sitāre Duub ga.e

nīl-gagan par uḌte panchhī lauT ke aa jā ghar apne

raat kā āñchal lahrāyā hai din ke nazāre Duub ga.e

dariyā ke vo paar hue haiñ chāhat se jo duur rahe

pyaar kī kashtī khene vaale sab bechāre Duub ga.e

un par kuchh paiġhām likhe the jo tujh se vābasta the

uḌte uḌte duur ufuq meñ jo ġhubbāre Duub ga.e

us ne to ham ko hī 'ziyā' dariyā meñ Dubonā chāhā thā

lekin the jo saath hamāre vo bhī saare Duub ga.e

aankh ke sahil par aate hi ashk hamare Dub gae

gham ka sawan itna barsa sare sahaare Dub gae

is ko khel kahen qismat ka ya hum dariya ki sazish

tufanon se bach nikle to aa ke kinare Dub gae

jazba-e-mohabbat ye to bata kab aaega aane wala

raat simaTti jati hai aur chand sitare Dub gae

nil-gagan par uDte panchhi lauT ke aa ja ghar apne

raat ka aanchal lahraya hai din ke nazare Dub gae

dariya ke wo par hue hain chahat se jo dur rahe

pyar ki kashti khene wale sab bechaare Dub gae

un par kuchh paigham likhe the jo tujh se wabasta the

uDte uDte dur ufuq mein jo ghubbare Dub gae

us ne to hum ko hi 'ziya' dariya mein Dubona chaha tha

lekin the jo sath hamare wo bhi sare Dub gae