aankh kyon apni mal rahe ho tum

aañkh kyoñ apnī mal rahe ho tum

ho ke patthar pighal rahe ho tum

aarzū ban ke dil meñ utre the

ban ke aañsū nikal rahe ho tum

chhoḌte kyoñ nahīñ ho buġhz-o-hasad

kyoñ jahannum meñ jal rahe ho tum

kyā koī yaad aa rahā hai tumheñ

karvaTeñ kyoñ badal rahe ho tum

mere bhaa.ī ho aur mere ḳhilāf

zahr kitnā ugal rahe ho tum

vo khilaunā to mil chukā hai tumheñ

jis kī ḳhātir machal rahe ho tum

maañ pyāsī paḌī hai bistar par

luqma-e-tar nigal rahe ho tum

aaj ye iltifāt 'hamza' par

lag rahā hai phisal rahe ho tum

aankh kyon apni mal rahe ho tum

ho ke patthar pighal rahe ho tum

aarzu ban ke dil mein utre the

ban ke aansu nikal rahe ho tum

chhoDte kyon nahin ho bughz-o-hasad

kyon jahannum mein jal rahe ho tum

kya koi yaad aa raha hai tumhein

karwaTen kyon badal rahe ho tum

mere bhai ho aur mere KHilaf

zahr kitna ugal rahe ho tum

wo khilauna to mil chuka hai tumhein

jis ki KHatir machal rahe ho tum

man pyasi paDi hai bistar par

luqma-e-tar nigal rahe ho tum

aaj ye iltifat 'hamza' par

lag raha hai phisal rahe ho tum