aankh mein kitne tilismat-e-jahan paoge

aañkh meñ kitne tilismāt-e-jahāñ pāoge

ḳhuun rañgīñ hai to sau rañg yahāñ pāoge

ho farāġhat to zarā jhāḌū ḳhayāloñ ke shajar

shāḳh-sāroñ pe bahut barg-e-ḳhizāñ pāoge

yuuñ sambhāle na phiro dil meñ shikasta shīshe

kirchiyāñ bikhrīñ to rag rag meñ ravāñ pāoge

mauj-e-reg-e-daraḳhshāñ ke ta.āqub meñ raho

in sarāboñ haiñ meñ paanī kā nishāñ pāoge

ye ḳharāba hī sahī is se na bāhar niklo

chhoḌ kar dil ko kahīñ phir na amaañ pāoge

rishta-e-tār-e-nazar se hai ujāloñ kā bharam

aañkh jhapkī to koī aur samāñ pāoge

saañs uljhī huī aatī hai to hai kis kī ḳhatā

aag andar hai to andar hī dhuāñ pāoge

kis qadar shor hai logoñ se bharī galiyoñ meñ

ġhaur se dekho bahut ḳhālī makāñ pāoge

dasht-e-dil hī se koī chashma nikālo 'shāhīñ'

ḳhushk-sālī meñ yahāñ paanī kahāñ pāoge

aankh mein kitne tilismat-e-jahan paoge

KHun rangin hai to sau rang yahan paoge

ho faraghat to zara jhaDu KHayalon ke shajar

shaKH-saron pe bahut barg-e-KHizan paoge

yun sambhaale na phiro dil mein shikasta shishe

kirchiyan bikhrin to rag rag mein rawan paoge

mauj-e-reg-e-daraKHshan ke taaqub mein raho

in sarabon hain mein pani ka nishan paoge

ye KHaraba hi sahi is se na bahar niklo

chhoD kar dil ko kahin phir na aman paoge

rishta-e-tar-e-nazar se hai ujalon ka bharam

aankh jhapki to koi aur saman paoge

sans uljhi hui aati hai to hai kis ki KHata

aag andar hai to andar hi dhuan paoge

kis qadar shor hai logon se bhari galiyon mein

ghaur se dekho bahut KHali makan paoge

dasht-e-dil hi se koi chashma nikalo 'shahin'

KHushk-sali mein yahan pani kahan paoge