aankhen asir-e-KHwab thin KHwab ek hi se the

āñkheñ asīr-e-ḳhvāb thiiñ ḳhvāb ek hī se the

har ek jaañ pe ab ke azaab ek hī se the

rāh-e-vafā-e-shauq meñ vāmāñdgī ke ba.ad

jo bhī mile the ḳhār-e-gulāb ek hī se the

bainassutūr un ke ma.ānī judā na the

jitne bhī muḳhtalif the nisāb ek hī se the

vo to kahīñ nahīñ the jinheñ DhūñDhtā thā maiñ

jo rah ga.e the zer-e-naqāb ek hī se the

kis kis se aur pūchhte us shahr kā patā

vo jo hameñ mile the javāb ek hī se the

barse to vo bhī pyaas kī shiddat baḌhā ga.e

mere liye to saare sahāb ek hī se the

aankhen asir-e-KHwab thin KHwab ek hi se the

har ek jaan pe ab ke azab ek hi se the

rah-e-wafa-e-shauq mein wamandgi ke baad

jo bhi mile the KHar-e-gulab ek hi se the

bainassutur un ke maani juda na the

jitne bhi muKHtalif the nisab ek hi se the

wo to kahin nahin the jinhen DhunDhta tha main

jo rah gae the zer-e-naqab ek hi se the

kis kis se aur puchhte us shahr ka pata

wo jo hamein mile the jawab ek hi se the

barse to wo bhi pyas ki shiddat baDha gae

mere liye to sare sahab ek hi se the