aankhen jo khulin safdar zanjir nazar aai

āñkheñ jo khulīñ 'safdar' zanjīr nazar aa.ī

ye ḳhvāb-e-javānī kī ta.abīr nazar aa.ī

rag rag meñ mohabbat kī tanvīr nazar aa.ī

ik paikar-e-ḳhākī kī tauqīr nazar aa.ī

āfāq kā har jalva apnā hī karishma hai

ā.īnoñ meñ apnī hī tasvīr nazar aa.ī

khulne jo lage uqde us gesu-e-pur-ḳham ke

ai lafz-e-vafā terī tafsīr nazar aa.ī

ik ijz sarāpā hai ik naaz mujassam hai

tasvīr ke pahlū meñ tasvīr nazar aa.ī

hamvār zamīnoñ par tadbīr ke jalve the

Thokar jo kahīñ khaa.ī taqdīr nazar aa.ī

jab ghir ke ghaTā aa.ī bhaḌkā tirā dīvāna

lahrā.ī huī bijlī zanjīr nazar aa.ī

'safdar' ne kiyā jab bhī ġhaur apnī tamanna par

taḳhrīb ham-āġhosh-e-ta.amīr nazar aa.ī

aankhen jo khulin 'safdar' zanjir nazar aai

ye KHwab-e-jawani ki tabir nazar aai

rag rag mein mohabbat ki tanwir nazar aai

ek paikar-e-KHaki ki tauqir nazar aai

aafaq ka har jalwa apna hi karishma hai

aainon mein apni hi taswir nazar aai

khulne jo lage uqde us gesu-e-pur-KHam ke

ai lafz-e-wafa teri tafsir nazar aai

ek ijz sarapa hai ek naz mujassam hai

taswir ke pahlu mein taswir nazar aai

hamwar zaminon par tadbir ke jalwe the

Thokar jo kahin khai taqdir nazar aai

jab ghir ke ghaTa aai bhaDka tera diwana

lahrai hui bijli zanjir nazar aai

'safdar' ne kiya jab bhi ghaur apni tamanna par

taKHrib ham-aghosh-e-tamir nazar aai