aankhen khuli thin sab ki koi dekhta na tha

āñkheñ khulī thiiñ sab kī koī dekhtā na thā

apne sivā kisī kā koī āshnā na thā

yuuñ kho gayā thā husn hujūm-e-nigāh meñ

ahl-e-nazar ko apnī nazar kā patā na thā

dhuñdlā ga.e the naqsh-e-mohabbat kuchh is tarah

pahchāntī thī aañkh to dil māntā na thā

tum paas the tumheñ to huī hogī kuchh ḳhabar

itnā to apnā shīsha-e-dil be-sadā na thā

kuchh log the jinheñ ye sa'ādat huī nasīb

varna yahāñ kise sar-e-mehr-o-vafā na thā

har samt ho rahā thā añdheroñ kā izhdihām

shab kaT chukī thī aur saverā huā na thā

kyā kyā farāġhateñ thiiñ 'tabassum' hameñ ki jab

dil par kisī kī yaad kā saaya paḌā na thā

aankhen khuli thin sab ki koi dekhta na tha

apne siwa kisi ka koi aashna na tha

yun kho gaya tha husn hujum-e-nigah mein

ahl-e-nazar ko apni nazar ka pata na tha

dhundla gae the naqsh-e-mohabbat kuchh is tarah

pahchanti thi aankh to dil manta na tha

tum pas the tumhein to hui hogi kuchh KHabar

itna to apna shisha-e-dil be-sada na tha

kuchh log the jinhen ye sa'adat hui nasib

warna yahan kise sar-e-mehr-o-wafa na tha

har samt ho raha tha andheron ka izhdiham

shab kaT chuki thi aur sawera hua na tha

kya kya faraghaten thin 'tabassum' hamein ki jab

dil par kisi ki yaad ka saya paDa na tha