aankhon aankhon lipTi hui hairani hai

āñkhoñ āñkhoñ lipTī huī hairānī hai

ā.īna ā.īna rū-gardānī hai

ḳhāna-dārī par hai ḳhalvat kā mausam

vaqt guzārī qissa aur kahānī hai

mushkil to ye hai ab mushkil koī nahīñ

jo bhī sūrat hai jānī-pahchānī hai

saat bakheḌe saat jhamele sab ke saath

chauda ghar meñ bikhrī ek kahānī hai

qissoñ se ham-zād nikal aayā bāhar

haal ke parde par tasvīr purānī hai

ḳhud marzī hai vaar hamāre dil paare

zid par hai jo shai vo ḳhud farmānī hai

sāhil sāhil baazū burīda baiThe haiñ

ġharqābī par Taḳhne Taḳhne paanī hai

ahd-e-sitāra jañg hai manzar-yābī par

dil dil 'rahmānī' vahshat-sāmānī hai

aankhon aankhon lipTi hui hairani hai

aaina aaina ru-gardani hai

KHana-dari par hai KHalwat ka mausam

waqt guzari qissa aur kahani hai

mushkil to ye hai ab mushkil koi nahin

jo bhi surat hai jaani-pahchani hai

sat bakheDe sat jhamele sab ke sath

chauda ghar mein bikhri ek kahani hai

qisson se ham-zad nikal aaya bahar

haal ke parde par taswir purani hai

KHud marzi hai war hamare dil pare

zid par hai jo shai wo KHud farmani hai

sahil sahil bazu burida baiThe hain

gharqabi par TaKHne TaKHne pani hai

ahd-e-sitara jang hai manzar-yabi par

dil dil 'rahmani' wahshat-samani hai