aankhon aankhon mein ishaaraat alif se ye tak

āñkhoñ āñkhoñ meñ ishārāt alif se ye tak

sahme sahme se haiñ jazbāt alif se ye tak

shab ke siine meñ laraztī haiñ karāheñ pal pal

din ke hoñToñ pe haiñ naġhmāt alif se ye tak

jism se chipke hue reshmī kapḌe us ke

yaad aatī hai vo barsāt alif se ye tak

āhaTeñ dhaḌkaneñ bechainiyāñ āñkheñ nīñdeñ

kaise guzrī hai mirī raat alif se ye tak

aaj sūraj ke darīchoñ se nikal aa.egā chāñd

hai 'ajab husn-e-mulāqāt alif se ye tak

naam tā'līm pata 'umr mashāġhil pesha

kaise kaise the savālāt alif se ye tak

ajnabī lafz thakā lahja shikasta mafhūm

kaun samjhegā mirī baat alif se ye tak

aankhon aankhon mein ishaaraat alif se ye tak

sahme sahme se hain jazbaat alif se ye tak

shab ke sine mein larazti hain karahen pal pal

din ke honTon pe hain naghmat alif se ye tak

jism se chipke hue reshmi kapDe us ke

yaad aati hai wo barsat alif se ye tak

aahaTen dhaDkanen bechainiyan aankhen ninden

kaise guzri hai meri raat alif se ye tak

aaj suraj ke darichon se nikal aaega chand

hai 'ajab husn-e-mulaqat alif se ye tak

nam ta'lim pata 'umr mashaghil pesha

kaise kaise the sawalat alif se ye tak

ajnabi lafz thaka lahja shikasta mafhum

kaun samjhega meri baat alif se ye tak