aankhon ka pura shahr hi sailab kar gaya
āñkhoñ kā puurā shahr hī sailāb kar gayā
ye kaun mujh meñ nazm kī sūrat utar gayā
jañgal meñ terī yaad ke jugnūñ chamak uThe
maidāñ siyāh-shab kā ujāloñ se bhar gayā
varna siyāh raat meñ jhulsā huā thā maiñ
ye to tumhārī dhuup meñ kuchh kuchh nikhar gayā
jhūmā thirakte nāchte joḌoñ meñ kuchh ghaḌī
dil phir na jaane kaisī udāsī se bhar gayā
donoñ anā meñ chuur the an-ban sī ho ga.ī
rishta nayā nayā sā thā kuchh din meñ mar gayā
pahle kuchh ek din to kaTī mushkiloñ meñ raat
phir terā hijr merī ragoñ meñ utar gayā
hāthoñ se apne ḳhud hī nasheman ujaaḌ kar
dekho udaas ho ke parinda kidhar gayā
ik chīḳh āsmān ke dāman meñ so ga.ī
dil kī zamīñ pe dard har ik sū bikhar gayā
aankhon ka pura shahr hi sailab kar gaya
ye kaun mujh mein nazm ki surat utar gaya
jangal mein teri yaad ke jugnun chamak uThe
maidan siyah-shab ka ujalon se bhar gaya
warna siyah raat mein jhulsa hua tha main
ye to tumhaari dhup mein kuchh kuchh nikhar gaya
jhuma thirakte nachte joDon mein kuchh ghaDi
dil phir na jaane kaisi udasi se bhar gaya
donon ana mein chur the an-ban si ho gai
rishta naya naya sa tha kuchh din mein mar gaya
pahle kuchh ek din to kaTi mushkilon mein raat
phir tera hijr meri ragon mein utar gaya
hathon se apne KHud hi nasheman ujaD kar
dekho udas ho ke parinda kidhar gaya
ek chiKH aasman ke daman mein so gai
dil ki zamin pe dard har ek su bikhar gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
