aankhon ko ashk-bar kiya kya bura kiya

āñkhoñ ko ashk-bār kiyā kyā burā kiyā

yuuñ ġham ko āshkār kiyā kyā burā kiyā

ik umr intizār kiyā kyā burā kiyā

va.ade kā e'tibār kiyā kyā burā kiyā

jab vasl-e-yār ziist kā unvāñ na ban sakā

ġham ko gale kā haar kiyā kyā burā kiyā

sehn-e-chaman meñ dhuum hai fasl-e-bahār kī

dāman ko taar taar kiyā kyā burā kiyā

aish-o-nishāt se rahe mahrūm umr-bhar

tanhā.iyoñ se pyaar kiyā kyā burā kiyā

ham ne kisī ke husn-e-tabassum ko dekh kar

qalb-o-jigar nisār kiyā kyā burā kiyā

dil lūTne ke ba.ad 'nazar' kah rahe haiñ vo

haañ ham ne be-qarār kiyā kyā burā kiyā

aankhon ko ashk-bar kiya kya bura kiya

yun gham ko aashkar kiya kya bura kiya

ek umr intizar kiya kya bura kiya

wade ka e'tibar kiya kya bura kiya

jab wasl-e-yar zist ka unwan na ban saka

gham ko gale ka haar kiya kya bura kiya

sehn-e-chaman mein dhum hai fasl-e-bahaar ki

daman ko tar tar kiya kya bura kiya

aish-o-nishat se rahe mahrum umr-bhar

tanhaiyon se pyar kiya kya bura kiya

hum ne kisi ke husn-e-tabassum ko dekh kar

qalb-o-jigar nisar kiya kya bura kiya

dil luTne ke baad 'nazar' kah rahe hain wo

han hum ne be-qarar kiya kya bura kiya