aankhon mein aansuon ka guzara nahin raha

āñkhoñ meñ āñsuoñ kā guzārā nahīñ rahā

jab se bichhaḌ ke tū jo hamārā nahīñ rahā

tum ne bhulā diye vo mohabbat ke silsile

ik ham haiñ ulfatoñ se kinārā nahīñ rahā

manzar hasīn ḳhvāboñ se jab se bikhar ga.e

koī bhī phir nazar meñ dubāra nahīñ rahā

saarā jahān terī mohabbat meñ haar kar

kah duuñ maiñ tujh se kaise ḳhasāra nahīñ rahā

phūloñ kī baat ho ki sitāroñ kī zaat ho

kis par tire karam kā ishāra nahīñ rahā

'ābid' ye ham ne chāhā charāġhoñ ko phūñk deñ

us se bichhaḌ ke ye bhī gavāra nahīñ rahā

aankhon mein aansuon ka guzara nahin raha

jab se bichhaD ke tu jo hamara nahin raha

tum ne bhula diye wo mohabbat ke silsile

ek hum hain ulfaton se kinara nahin raha

manzar hasin KHwabon se jab se bikhar gae

koi bhi phir nazar mein dubara nahin raha

sara jahan teri mohabbat mein haar kar

kah dun main tujh se kaise KHasara nahin raha

phulon ki baat ho ki sitaron ki zat ho

kis par tere karam ka ishaara nahin raha

'abid' ye hum ne chaha charaghon ko phunk den

us se bichhaD ke ye bhi gawara nahin raha