aankhon mein ashk honTon pe jaan dekhte rahe

āñkhoñ meñ ashk hoñToñ pe jaañ dekhte rahe

kitne maze kā soz-e-nihāñ dekhte rahe

har samt us kā husn 'ayāñ dekhte rahe

aur māvarā-e-kaun-o-makāñ dekhte rahe

dil ke 'alāva DhūñDā use har maqām par

taskīn-e-dil kahāñ thī kahāñ dekhte rahe

har zarra-e-ḳharāb meñ lākhoñ thiiñ bijliyāñ

ham be-qarār nabz-e-jahāñ dekhte rahe

ham par karam ke badle meñ hote rahe sitam

ham ‘ahd-e-gul meñ daur-e-ḳhizāñ dekhte rahe

'zāhir' kamāl dekhiye abnā-e-vaqt kā

hotī rahī tabāh zabāñ dekhte rahe

aankhon mein ashk honTon pe jaan dekhte rahe

kitne maze ka soz-e-nihan dekhte rahe

har samt us ka husn 'ayan dekhte rahe

aur mawara-e-kaun-o-makan dekhte rahe

dil ke 'alawa DhunDa use har maqam par

taskin-e-dil kahan thi kahan dekhte rahe

har zarra-e-KHarab mein lakhon thin bijliyan

hum be-qarar nabz-e-jahan dekhte rahe

hum par karam ke badle mein hote rahe sitam

hum ‘ahd-e-gul mein daur-e-KHizan dekhte rahe

'zahir' kamal dekhiye abna-e-waqt ka

hoti rahi tabah zaban dekhte rahe