aankhon mein chhalakte hain ham-rang-e-hina aansu

āñkhoñ meñ chhalakte haiñ ham-rang-e-hinā aañsū

mahjūr ke aañsū bhī hote haiñ balā aañsū

be-sāḳhta rone se taskīn sī hotī hai

dard-e-dil-e-mahzūñ kī haiñ kuchh to davā aañsū

ik ḳhasta-jigar āshiq ro ro ke ye kahtā thā

āsān hai har mushkil gar deñ na daġhā aañsū

sar ḳhaak pe dhar dhar kar dete haiñ duā dil se

haiñ āshiq-e-sādiq ke pāband-e-vafā aañsū

iksīr-e-mujarrab haiñ kar zabt inheñ ya.anī

dil hī kā ye jauhar haiñ dil hī ko pilā aañsū

majbūr hoñ bahne par be-sāḳhta gir jaa.eñ

qānūn-e-mohabbat meñ haiñ jab hī ravā aañsū

nāsūr-e-mohabbat kā hotā na 'amīñ' charchā

ġhammāz na ban jaate gar lāl-numā aañsū

aankhon mein chhalakte hain ham-rang-e-hina aansu

mahjur ke aansu bhi hote hain bala aansu

be-saKHta rone se taskin si hoti hai

dard-e-dil-e-mahzun ki hain kuchh to dawa aansu

ek KHasta-jigar aashiq ro ro ke ye kahta tha

aasan hai har mushkil gar den na dagha aansu

sar KHak pe dhar dhar kar dete hain dua dil se

hain aashiq-e-sadiq ke paband-e-wafa aansu

iksir-e-mujarrab hain kar zabt inhen yani

dil hi ka ye jauhar hain dil hi ko pila aansu

majbur hon bahne par be-saKHta gir jaen

qanun-e-mohabbat mein hain jab hi rawa aansu

nasur-e-mohabbat ka hota na 'amin' charcha

ghammaz na ban jate gar lal-numa aansu