aankhon se koi mere kahin KHwab le gaya

āñkhoñ se koī mere kahīñ ḳhvāb le gayā

yā'nī tamām halqa-e-ahbāb le gayā

chheḌā hī thā sitār pe ik naġhma-e-hayāt

hāthoñ se vaqt chhīn ke mizrāb le gayā

aañsū kī ek buuñd kaleja nigal ga.ī

patthar ko ek qatra-e-sīmāb le gayā

dil kī kitāb lūTne vaalā bhī ḳhuub thā

dilchasp jo thā sab se vahī baab le gayā

jal-bujh ke rah gayā hai har ik yaad kā charāġh

chun chun ke vaqt gauhar-e-nāyāb le gayā

har gaam par lagī thī yahāñ rahzanoñ kī bhiiḌ

jis ke lagā jo haath vo asbāb le gayā

qātil ke ruup meñ vo kashish thī ki ai 'kañval'

maqtal meñ mujh ko phir dil-e-be-tāb le gayā

aankhon se koi mere kahin KHwab le gaya

ya'ni tamam halqa-e-ahbab le gaya

chheDa hi tha sitar pe ek naghma-e-hayat

hathon se waqt chhin ke mizrab le gaya

aansu ki ek bund kaleja nigal gai

patthar ko ek qatra-e-simab le gaya

dil ki kitab luTne wala bhi KHub tha

dilchasp jo tha sab se wahi bab le gaya

jal-bujh ke rah gaya hai har ek yaad ka charagh

chun chun ke waqt gauhar-e-nayab le gaya

har gam par lagi thi yahan rahzanon ki bhiD

jis ke laga jo hath wo asbab le gaya

qatil ke rup mein wo kashish thi ki ai 'kanwal'

maqtal mein mujh ko phir dil-e-be-tab le gaya