aao har yar-e-guzishta ko bulaya jae

aao har yār-e-guzishta ko bulāyā jaa.e

dil kī hālat kā tamāsha sā banāyā jaa.e

shāḳh se ho ke judā gul pe tire kyā guzrī

bāġhbāñ ko ye kisī roz batāyā jaa.e

sūrat-e-zard ko paḌh chāk-e-garebāñ ko samajh

kyā zarūrī hai ki har zaḳhm dikhāyā jaa.e

mujh ko is ahd-e-mohabbat se shikāyat ye hai

is meñ jo lafz hamesha hai haTāyā jaa.e

ab kueñ bhī kahāñ maujūd haiñ in shahroñ meñ

kis tarah sunnat-e-'alvī ko nibhāyā jaa.e

aao har yar-e-guzishta ko bulaya jae

dil ki haalat ka tamasha sa banaya jae

shaKH se ho ke juda gul pe tere kya guzri

baghban ko ye kisi roz bataya jae

surat-e-zard ko paDh chaak-e-gareban ko samajh

kya zaruri hai ki har zaKHm dikhaya jae

mujh ko is ahd-e-mohabbat se shikayat ye hai

is mein jo lafz hamesha hai haTaya jae

ab kuen bhi kahan maujud hain in shahron mein

kis tarah sunnat-e-'alwi ko nibhaya jae