aao kuchh gardish-e-taqdir ka shikwa kar len

aao kuchh gardish-e-taqdīr kā shikva kar leñ

jis se mahrūm rahe us kī tamannā kar leñ

jis taraf dekhiye ā.īne hī ā.īne haiñ

apnī sūrat kā ba-sad-rañg tamāshā kar leñ

husn majbūr hai ḳhud jalva-numā.ī pe magar

maslahat ye hai ki kuchh ham bhī taqāzā kar leñ

naunihālān-e-chaman tishna na ho jaa.eñ kahīñ

aao kuchh ḳhūn-e-jigar aur muhayyā kar leñ

jeb-o-dāmāñ meñ abhī fāsla kuchh baaqī hai

minnateñ aap kī ham hazrat-e-īsā kar leñ

gul kī rag rag meñ nazar aa.egā maalī kā lahū

vā agar ahl-e-nazar dīda-e-bīnā kar leñ

baat 'arshī' kī nazar aatī hai gar uthlī sī

imtihān is kā na kyoñ qibla-o-ka.aba kar leñ

aao kuchh gardish-e-taqdir ka shikwa kar len

jis se mahrum rahe us ki tamanna kar len

jis taraf dekhiye aaine hi aaine hain

apni surat ka ba-sad-rang tamasha kar len

husn majbur hai KHud jalwa-numai pe magar

maslahat ye hai ki kuchh hum bhi taqaza kar len

naunihaalan-e-chaman tishna na ho jaen kahin

aao kuchh KHun-e-jigar aur muhayya kar len

jeb-o-daman mein abhi fasla kuchh baqi hai

minnaten aap ki hum hazrat-e-isa kar len

gul ki rag rag mein nazar aaega mali ka lahu

wa agar ahl-e-nazar dida-e-bina kar len

baat 'arshi' ki nazar aati hai gar uthli si

imtihan is ka na kyon qibla-o-kaba kar len