aap ka dil is tarah kyunkar hua

aap kā dil is tarah kyūñkar huā

mom thā kal aaj kyoñ patthar huā

sochiye to ye bhī koī baat hai

pūchhte haiñ haal kyoñ abtar huā

aañkh se jo karb kā qatra girā

ek beva ke liye gauhar huā

parvarish to us kī kī thī naaz se

mil ga.ī dul.han to vo bāhar huā

aaj mahñgā.ī ne be-bas kar diyā

mehmāñ aa.e ki dard-e-sar huā

maut kā us dam mujhe aaya yaqīñ

jab añdherā qabr ke andar huā

nekiyāñ merī unhoñ ne chhīn liiñ

aur maiñ rusvā sar-e-mahshar huā

ahl-e-europe kah rahe haiñ faḳhr se

dil munavvar diin meñ aakar huā

lauT kar kahte haiñ vo kis shaan se

jo bhī honā thā huā behtar huā

ruuh nikle sabz gumbad ke qarīb

hind meñ jiinā bhī mushkil-tar huā

kuchh to vus.at ho ga.ī hāsil 'habīb'

paañv phailāne ko apnā ghar huā

aap ka dil is tarah kyunkar hua

mom tha kal aaj kyon patthar hua

sochiye to ye bhi koi baat hai

puchhte hain haal kyon abtar hua

aankh se jo karb ka qatra gira

ek bewa ke liye gauhar hua

parwarish to us ki ki thi naz se

mil gai dulhan to wo bahar hua

aaj mahngai ne be-bas kar diya

mehman aae ki dard-e-sar hua

maut ka us dam mujhe aaya yaqin

jab andhera qabr ke andar hua

nekiyan meri unhon ne chhin lin

aur main ruswa sar-e-mahshar hua

ahl-e-europe kah rahe hain faKHr se

dil munawwar din mein aakar hua

lauT kar kahte hain wo kis shan se

jo bhi hona tha hua behtar hua

ruh nikle sabz gumbad ke qarib

hind mein jina bhi mushkil-tar hua

kuchh to wusat ho gai hasil 'habib'

panw phailane ko apna ghar hua