aap ka har ghaDi KHayal aae

aap kā har ghaḌī ḳhayāl aa.e

kaash phir se vahī visāl aa.e

hausla ham ne bhī nahīñ haarā

jaan par to ka.ī vabāl aa.e

baat be-bāt ta.ana miltā thā

ham bhī har baat hañs ke Taal aa.e

un kī sūrat bhulā na paa.e ham

dil ke shīshe pe chāhe baal aa.e

hijr meñ un ke kab akele haiñ

paas apne ka.ī malāl aa.e

kitnī dilkash haiñ aap kī yādeñ

sher hoñToñ pe haiñ kamāl aa.e

ham se vo duur jā chuke haiñ 'gul'

pūchh kar koī un kā haal aa.e

aap ka har ghaDi KHayal aae

kash phir se wahi visal aae

hausla hum ne bhi nahin haara

jaan par to kai wabaal aae

baat be-baat tana milta tha

hum bhi har baat hans ke Tal aae

un ki surat bhula na pae hum

dil ke shishe pe chahe baal aae

hijr mein un ke kab akele hain

pas apne kai malal aae

kitni dilkash hain aap ki yaaden

sher honTon pe hain kamal aae

hum se wo dur ja chuke hain 'gul'

puchh kar koi un ka haal aae