aap ke dil mein jazba mohabbat ka hai

aap ke dil meñ jazba mohabbat kā hai

kyā ye da.avā hai sachchā haqīqat kā hai

kis ko darkār daulat nahīñ āj-kal

jis ko dekho vahī bhūkā daulat kā hai

maut ke baad miT jā.egī qabr bhī

fā.eda kyā tirī aisī shohrat kā hai

is ko bāzār meñ lā ke rusvā na kar

martaba ūñchā har taur aurat kā hai

jo bhī dekhegā tujh ko taḌap jā.egā

dil-rubā husn terā qayāmat kā hai

apne hisse kī mehnat karo pahle tum

baad kā kaam phir saarā qismat kā hai

dosto ḳhidmat-e-ḳhalq karte raho

kaam ye bhī ḳhudā kī ibādat kā hai

aaj ke aadmī ko pata hī nahīñ

kyā taqāzā 'riyāz' ādamiyyat kā hai

aap ke dil mein jazba mohabbat ka hai

kya ye dawa hai sachcha haqiqat ka hai

kis ko darkar daulat nahin aaj-kal

jis ko dekho wahi bhuka daulat ka hai

maut ke baad miT jaegi qabr bhi

faeda kya teri aisi shohrat ka hai

is ko bazar mein la ke ruswa na kar

martaba uncha har taur aurat ka hai

jo bhi dekhega tujh ko taDap jaega

dil-ruba husn tera qayamat ka hai

apne hisse ki mehnat karo pahle tum

baad ka kaam phir sara qismat ka hai

dosto KHidmat-e-KHalq karte raho

kaam ye bhi KHuda ki ibaadat ka hai

aaj ke aadmi ko pata hi nahin

kya taqaza 'riyaz' aadamiyyat ka hai