aap ke husn-e-mujassam ka asar dekhenge

aap ke husn-e-mujassam kā asar dekheñge

ya.anī barsāt meñ jaltā huā ghar dekheñge

TuuT kar apne bikharne kā amal kyā hogā

be-naqāb aap ko bas ek nazar dekheñge

apne ruḳhsār pe Dhalke hue aañsū mat poñchh

āriz-e-gul pe zarā barq-o-sharar dekheñge

vo agar ġhair ke pahlū meñ chalā jā.egā

ham bhī phir chāk-e-garebāñ kā asar dekheñge

aas ke diip bujhe jaate haiñ ab to aa jā

aur kab tak ye tirī rāhguzar dekheñge

barf sūraj kī hathelī pe sajā kar 'zāhid'

zindagānī kī haqīqat kā asar dekheñge

aap ke husn-e-mujassam ka asar dekhenge

yani barsat mein jalta hua ghar dekhenge

TuT kar apne bikharne ka amal kya hoga

be-naqab aap ko bas ek nazar dekhenge

apne ruKHsar pe Dhalke hue aansu mat ponchh

aariz-e-gul pe zara barq-o-sharar dekhenge

wo agar ghair ke pahlu mein chala jaega

hum bhi phir chaak-e-gareban ka asar dekhenge

aas ke dip bujhe jate hain ab to aa ja

aur kab tak ye teri rahguzar dekhenge

barf suraj ki hatheli pe saja kar 'zahid'

zindagani ki haqiqat ka asar dekhenge