aap ki bas dua chahiye

aap kī bas du'ā chāhiye

kuchh na is ke sivā chāhiye

jo banā.e muqaddar hasīñ

maañ kī aisī du'ā chāhiye

apnī pahchān ke vāste

ek darpan nayā chāhiye

ham bhī tārīḳh kā baab the

bas usī kī sazā chāhiye

tum jahāñ saath meñ le chalo

saath apne ḳhudā chāhiye

kaam kī intihā ke liye

kaam kī ibtidā chāhiye

aur e'zāz baḌhte ga.e

jurm kī to sazā chāhiye

ham-safar hoñ agar aap bhī

aur 'ashraf' ko kyā chāhiye

aap ki bas du'a chahiye

kuchh na is ke siwa chahiye

jo banae muqaddar hasin

man ki aisi du'a chahiye

apni pahchan ke waste

ek darpan naya chahiye

hum bhi tariKH ka bab the

bas usi ki saza chahiye

tum jahan sath mein le chalo

sath apne KHuda chahiye

kaam ki intiha ke liye

kaam ki ibtida chahiye

aur e'zaz baDhte gae

jurm ki to saza chahiye

ham-safar hon agar aap bhi

aur 'ashraf' ko kya chahiye