aap ki hamdardiyan kab chahiyen miskin ko

aap kī hamdardiyāñ kab chāhiyeñ miskīn ko

hausla dene chale haiñ aap jo ġhamgīn ko

koī bhī aayā nahīñ thā ḳhvāb kī tadfīn ko

kuchh na kuchh īsāl hī kar dil ke marhūmīn ko

hāfize ko chhāñT jo yādeñ thiiñ ḳhushiyoñ kā sabab

yaad rakh paa.eñ faqat ham bas unhī do tiin ko

merā chehra miT bhī jaa.e gar to kyā ho jā.egā

aur bhī chehre haiñ us kī aañkh kī taskīn ko

aag kā dariyā kahā thā jis kisī ne 'ishq ko

yaad rakhte kaash ham daanā kī is talqīn ko

aap ki hamdardiyan kab chahiyen miskin ko

hausla dene chale hain aap jo ghamgin ko

koi bhi aaya nahin tha KHwab ki tadfin ko

kuchh na kuchh isal hi kar dil ke marhumin ko

hafize ko chhanT jo yaaden thin KHushiyon ka sabab

yaad rakh paen faqat hum bas unhi do tin ko

mera chehra miT bhi jae gar to kya ho jaega

aur bhi chehre hain us ki aankh ki taskin ko

aag ka dariya kaha tha jis kisi ne 'ishq ko

yaad rakhte kash hum dana ki is talqin ko