aap ki shoala-sifat zat ki yaad aati hai

aap kī sho.ala-sifat zaat kī yaad aatī hai

garmī-e-qurb kī har baat kī yaad aatī hai

apne biphre hue jazbāt kī yaad aatī hai

ek aaseb ko khañDarāt kī yaad aatī hai

un se rātoñ meñ mulāqāt kī yaad aatī hai

shahr meñ gaañv ke bāġhāt kī yaad aatī hai

jab kisī hijr-zada raat kī yaad aatī hai

dil pe guzre hue sadmāt kī yaad aatī hai

maiñ sarā.e kā musāfir thā chalā bhī aaya

par tire saath ke lamhāt kī yaad aatī hai

jab bhī vo gumbad-o-mīnār nazar aate haiñ

sabz poshāk ke sādāt kī yaad aatī hai

giit ruḳhsat ke alamnāk sadā.eñ 'vasfī'

gasht kartī huī bārāt kī yaad aatī hai

aap ki shoala-sifat zat ki yaad aati hai

garmi-e-qurb ki har baat ki yaad aati hai

apne biphre hue jazbaat ki yaad aati hai

ek aaseb ko khanDaraat ki yaad aati hai

un se raaton mein mulaqat ki yaad aati hai

shahr mein ganw ke baghat ki yaad aati hai

jab kisi hijr-zada raat ki yaad aati hai

dil pe guzre hue sadmat ki yaad aati hai

main sarae ka musafir tha chala bhi aaya

par tere sath ke lamhat ki yaad aati hai

jab bhi wo gumbad-o-minar nazar aate hain

sabz poshak ke sadat ki yaad aati hai

git ruKHsat ke alamnak sadaen 'wasfi'

gasht karti hui baraat ki yaad aati hai