aapko gar kuchh KHayal-e-wada-e-baham rahe

aap ko gar kuchh ḳhayāl-e-vā'da-e-bāham rahe

mubtalā-e-ārzū kyoñ mubtalā-e-ġham rahe

kar taḌapne meñ madad ai dil ki Thānī ham ne hai

aaj qaid-e-ġham rahe yā mubtalā-e-ġham rahe

phir vahī āshuftagī ho phir vahī dīvāngī

dil pe yārab phir junūn-e-ishq kā 'ālam rahe

is pashemānī pe qurbāñ kyā karūñ jaañ bhī nahīñ

mere mar jaane pe koī mubtalā-e-ġham rahe

phir vahī rang-e-parastish hai vahī tarz-e-vafā

phir kisī ke āstāñ par apnī gardan ḳham rahe

taab lā.ūñ diid kī 'kaifī' ye mumkin hai kahāñ

nayyar-e-tābāñ ke aage qatra-e-shabnam rahe

aap ko gar kuchh KHayal-e-wa'da-e-baham rahe

mubtala-e-arzu kyon mubtala-e-gham rahe

kar taDapne mein madad ai dil ki Thani hum ne hai

aaj qaid-e-gham rahe ya mubtala-e-gham rahe

phir wahi aashuftagi ho phir wahi diwangi

dil pe yarab phir junun-e-ishq ka 'alam rahe

is pashemani pe qurban kya karun jaan bhi nahin

mere mar jaane pe koi mubtala-e-gham rahe

phir wahi rang-e-parastish hai wahi tarz-e-wafa

phir kisi ke aastan par apni gardan KHam rahe

tab laun did ki 'kaifi' ye mumkin hai kahan

nayyar-e-taban ke aage qatra-e-shabnam rahe