aap na-ashna ho gae

aap nā-āshnā ho ga.e

ya.anī ham se ḳhafā ho ga.e

zindagī marhala ban ga.ī

hādse silsila ho ga.e

ab shikāyat nahīñ hai koī

shikve sab barmalā ho ga.e

aadmī aadmī ke liye

tauba tauba ḳhudā ho ga.e

dard had se kuchh itne baḌhe

aap apnī davā ho ga.e

itifāqan vo mānūs hue

ehtiyātan ḳhafā ho ga.e

zindagī kashmakash hī rahī

dard jis kā sila ho ga.e

kitnā tanhā hai ye aadmī

apne saa.e judā ho ga.e

ham tire vāste zindagī

zabt kī intihā ho ga.e

terā dar aur merī jabīñ

kaise lamhe atā ho ga.e

ashraf is zindagī ke liye

kyā the tum aur kyā ho ga.e

aap na-ashna ho gae

yani hum se KHafa ho gae

zindagi marhala ban gai

hadse silsila ho gae

ab shikayat nahin hai koi

shikwe sab barmala ho gae

aadmi aadmi ke liye

tauba tauba KHuda ho gae

dard had se kuchh itne baDhe

aap apni dawa ho gae

itifaqan wo manus hue

ehtiyatan KHafa ho gae

zindagi kashmakash hi rahi

dard jis ka sila ho gae

kitna tanha hai ye aadmi

apne sae juda ho gae

hum tere waste zindagi

zabt ki intiha ho gae

tera dar aur meri jabin

kaise lamhe ata ho gae

ashraf is zindagi ke liye

kya the tum aur kya ho gae