aapne aaKHir ye kya jadu kiya diwar pe

aap ne āḳhir ye kyā jaadū kiyā dīvār pe

aap kā chehra mujhe dikhtā rahā dīvār pe

pahle barsoñ maiñ ne ḳhud ko qaid kamre meñ kiyā

aur tab jā kar darīcha ye banā dīvār pe

aap se bhī ye darāreñ jo nahīñ bhar pā rahīñ

aap ne bhī zulm thā kitnā kiyā dīvār pe

qadr tū ne kī na us kī zindagī meñ jo kabhī

maut par bhī us kī photo mat lagā dīvār pe

chhū liyā tum ne sanam dīvār ko to yuuñ huā

rang jaise ik nayā sā chaḌh gayā dīvār pe

likh rahe the log apnī zindagī kī dāstāñ

aur ham ne naam terā likh diyā dīvār pe

qais ne yāroñ agar ġham meñ guzārī zindagī

'ahd' bhī to sar paTaktā hī rahā dīvār pe

aap ne aaKHir ye kya jadu kiya diwar pe

aap ka chehra mujhe dikhta raha diwar pe

pahle barson main ne KHud ko qaid kamre mein kiya

aur tab ja kar daricha ye bana diwar pe

aap se bhi ye dararen jo nahin bhar pa rahin

aap ne bhi zulm tha kitna kiya diwar pe

qadr tu ne ki na us ki zindagi mein jo kabhi

maut par bhi us ki photo mat laga diwar pe

chhu liya tum ne sanam diwar ko to yun hua

rang jaise ek naya sa chaDh gaya diwar pe

likh rahe the log apni zindagi ki dastan

aur hum ne nam tera likh diya diwar pe

qais ne yaron agar gham mein guzari zindagi

'ahd' bhi to sar paTakta hi raha diwar pe