aap se aur kya nahin hoga

aap se aur kyā nahīñ hogā

sirf va.ada vafā nahīñ hogā

kis ko ḳhauf-e-ḳhudā nahīñ hogā

bas butoñ ko zarā nahīñ hogā

aaj va.ada vafā nahīñ hogā

terā dīdār kyā nahīñ hogā

jitnī chāho jafā.eñ tum kar lo

kabhī mujh se gila nahīñ hogā

laakh sūrat se kar jafā mujh par

tark-e-sabr-o-razā nahīñ hogā

le le merī zabāñ bhī ai qāsid

ḳhat se matlab adā nahīñ hogā

tujh sā zālim agar nahīñ koī

mujh sā bhī bā-vafā nahīñ hogā

kyoñ bigaḌte ho ḳhat mirā paḌh kar

ab raqam mudda.ā nahīñ hogā

dil to kyā merī jaan bhī le lo

uzr mujh ko zarā nahīñ hogā

tez hogī to kab chhurī terī

jab hamārā galā nahīñ hogā

jo sazā chāhte ho do mujh ko

kabhī uzr-e-ḳhatā nahīñ hogā

laakh vāsil ḳhudā se ho jaa.e

phir bhī banda ḳhudā nahīñ hogā

koī shākī jafā kā hogā aur

'hāmid'-e-bā-vafā nahīñ hogā

aap se aur kya nahin hoga

sirf wada wafa nahin hoga

kis ko KHauf-e-KHuda nahin hoga

bas buton ko zara nahin hoga

aaj wada wafa nahin hoga

tera didar kya nahin hoga

jitni chaho jafaen tum kar lo

kabhi mujh se gila nahin hoga

lakh surat se kar jafa mujh par

tark-e-sabr-o-raza nahin hoga

le le meri zaban bhi ai qasid

KHat se matlab ada nahin hoga

tujh sa zalim agar nahin koi

mujh sa bhi ba-wafa nahin hoga

kyon bigaDte ho KHat mera paDh kar

ab raqam muddaa nahin hoga

dil to kya meri jaan bhi le lo

uzr mujh ko zara nahin hoga

tez hogi to kab chhuri teri

jab hamara gala nahin hoga

jo saza chahte ho do mujh ko

kabhi uzr-e-KHata nahin hoga

lakh wasil KHuda se ho jae

phir bhi banda KHuda nahin hoga

koi shaki jafa ka hoga aur

'hamid'-e-ba-wafa nahin hoga