aariz-o-zulf-e-yar ki baaten

āriz-o-zulf-e-yār kī bāteñ

jaise lail-o-nahār kī bāteñ

husn se tazkira mohabbat kā

aa.ine se ġhubār kī bāteñ

kitnī rangīñ hai apnī shām-e-firāq

pahroñ dil se haiñ yaar kī bāteñ

kab na dār-o-rasan ne chheḌī haiñ

jur.at-e-pā.edār kī bāteñ

tum ho aur be-niyāzī-e-paiham

ham haiñ aur e.atibār kī bāteñ

miT chuke valvale bahāroñ ke

ab kahāñ lāla-zār kī bāteñ

dil pe ab shaaq haiñ bahut hamdam

mausam-e-ḳhush-gavār kī bāteñ

sun sako to zabān-e-gul se suno

dāman-e-tār-tār kī bāteñ

hāsil-e-umr ban ga.ī haiñ 'hasan'

husn-e-īmāñ-shikār kī bāteñ

aariz-o-zulf-e-yar ki baaten

jaise lail-o-nahaar ki baaten

husn se tazkira mohabbat ka

aaine se ghubar ki baaten

kitni rangin hai apni sham-e-firaq

pahron dil se hain yar ki baaten

kab na dar-o-rasan ne chheDi hain

jurat-e-paedar ki baaten

tum ho aur be-niyazi-e-paiham

hum hain aur eatibar ki baaten

miT chuke walwale bahaaron ke

ab kahan lala-zar ki baaten

dil pe ab shaq hain bahut hamdam

mausam-e-KHush-gawar ki baaten

sun sako to zaban-e-gul se suno

daman-e-tar-tar ki baaten

hasil-e-umr ban gai hain 'hasan'

husn-e-iman-shikar ki baaten