aarzu aur KHwab le jao

aarzū aur ḳhvāb le jaao

har amānat janāb le jaao

hijr ham se sahā na jā.egā

saath apne azaab le jaao

kaam ā.eñgī tajrabe ke liye

zindagī kī kitāb le jaao

aap se jo bhī ḳhaar khāte haiñ

un kī ḳhātir gulāb le jaao

har añdhere meñ kaam aa.egā

'ilm kā āftāb le jaao

aap ko de rahe haiñ dil apnā

achchhā hai yā ḳharāb le jaao

ek darvesh kī hai ye kuTiyā

tum mizāj-e-navāb le jaao

sab ke hoñToñ pe qufl lag jaa.e

koī aisā javāb le jaao

log chehroñ pe chehre rakhte haiñ

tum bhī koī naqāb le jaao

ye adab kī dukān hai sāhab

jo bhī chāho ḳhitāb le jaao

jis jagah ho akaal sūkhe se

us jagah jal sahāb le jaao

dil jigar jaan sab tumhāre haiñ

jab bhī chāho janāb le jaao

'ishq kī ye kitāb le jaao

is kā har ek baab le jaao

kaise kāTo.ge din judā.ī ke

saath yād-e-rabāb le jaao

yaad ke zaḳhm kā hai ye marham

tum vatan kī turāb le jaao

ḳhush rakhe aap ko ḳhudā har pal

muflisī kā savāb le jaao

kaise kaaTe haiñ din judā.ī ke

har nafas kā hisāb le jaao

nanhe-munnoñ ko khelne bhī do

bojh hai ye nisāb le jaao

har ġhalat baat bhī sahā na karo

ham se thoḌā itaab le jaao

aarzu aur KHwab le jao

har amanat janab le jao

hijr hum se saha na jaega

sath apne azab le jao

kaam aaengi tajrabe ke liye

zindagi ki kitab le jao

aap se jo bhi KHar khate hain

un ki KHatir gulab le jao

har andhere mein kaam aaega

'ilm ka aaftab le jao

aap ko de rahe hain dil apna

achchha hai ya KHarab le jao

ek darwesh ki hai ye kuTiya

tum mizaj-e-nawab le jao

sab ke honTon pe qufl lag jae

koi aisa jawab le jao

log chehron pe chehre rakhte hain

tum bhi koi naqab le jao

ye adab ki dukan hai sahab

jo bhi chaho KHitab le jao

jis jagah ho akal sukhe se

us jagah jal sahab le jao

dil jigar jaan sab tumhaare hain

jab bhi chaho janab le jao

'ishq ki ye kitab le jao

is ka har ek bab le jao

kaise kaToge din judai ke

sath yaad-e-rabab le jao

yaad ke zaKHm ka hai ye marham

tum watan ki turab le jao

KHush rakhe aap ko KHuda har pal

muflisi ka sawab le jao

kaise kaTe hain din judai ke

har nafas ka hisab le jao

nanhe-munnon ko khelne bhi do

bojh hai ye nisab le jao

har ghalat baat bhi saha na karo

hum se thoDa itab le jao