aarzu thi ki tera dahr bhi shohra howe

aarzū thī ki tirā dahr bhī shohrā hove

terī nisbat se ġhazal ham-sar-e-zohrā hove

kaun detā hai mujhe ḳhvāb kī mash.al har aan

aas ban kar na vahī qalb meñ Thahrā hove

ye na mehmān-sarā hai na havas kā kūcha

dil meñ vo shaḳhs base aa ke jo gahrā hove

mauja-e-vaqt meñ rū-posh hai vo māh-e-tamām

chāñdnī hove jahāñ yaad kā bajrā hove

dhuñd hī dhuñd nazar aayā jidhar bhī dekhā

merī duniyā mire armāñ kā na chehrā hove

dil ke āñgan meñ koī aa ke na jaa.e vāpas

is ilāqa meñ agar ishq kā pahrā hove

us kī tasvīr meñ yuuñ rañg-e-alāmat rakhiyo

vo kahīñ nuur kahīñ phuul kā gajrā hove

itnī tāsīr to fariyād kī qismat ho 'na.īm'

hākim-e-vaqt badal jaa.e jo bahrā hove

aarzu thi ki tera dahr bhi shohra howe

teri nisbat se ghazal ham-sar-e-zohra howe

kaun deta hai mujhe KHwab ki mashal har aan

aas ban kar na wahi qalb mein Thahra howe

ye na mehman-sara hai na hawas ka kucha

dil mein wo shaKHs base aa ke jo gahra howe

mauja-e-waqt mein ru-posh hai wo mah-e-tamam

chandni howe jahan yaad ka bajra howe

dhund hi dhund nazar aaya jidhar bhi dekha

meri duniya mere arman ka na chehra howe

dil ke aangan mein koi aa ke na jae wapas

is ilaqa mein agar ishq ka pahra howe

us ki taswir mein yun rang-e-alamat rakhiyo

wo kahin nur kahin phul ka gajra howe

itni tasir to fariyaad ki qismat ho 'naim'

hakim-e-waqt badal jae jo bahra howe