aas ki naw par sawar hue

aas kī naav par savār hue

ġharq-e-dariyā hue na paar hue

daad talvoñ ko dī zamīnoñ ne

phuuT kar aable nisār hue

sar jhukā.e khaḌī hai nauhagarī

dast-e-majrūh ab figār hue

kis kī sauġhāt hai subuk-zehnī

kaisā jangal thā kyā shikār hue

gūñge dariyā meñ mil ga.e aañsū

qahqahe vaj.h-e-iftiḳhār hue

pastiyoñ se nikal ke faḳhr kiyā

auj-dar-auj sharmsār hue

kunj-dar-kunj chuTkiyāñ ubhrīñ

rang hī titliyoñ pe baar hue

dushmanoñ se bachā magar na bachā

dil pe jab dostoñ ke vaar hue

aas ki naw par sawar hue

gharq-e-dariya hue na par hue

dad talwon ko di zaminon ne

phuT kar aable nisar hue

sar jhukae khaDi hai nauhagari

dast-e-majruh ab figar hue

kis ki saughat hai subuk-zehni

kaisa jangal tha kya shikar hue

gunge dariya mein mil gae aansu

qahqahe wajh-e-iftiKHar hue

pastiyon se nikal ke faKHr kiya

auj-dar-auj sharmsar hue

kunj-dar-kunj chuTkiyan ubhrin

rang hi titliyon pe bar hue

dushmanon se bacha magar na bacha

dil pe jab doston ke war hue