aasar zindagi ke numayan hue to hain

āsār zindagī ke numāyāñ hue to haiñ

maanā dahān-e-zaḳhm haiñ ḳhandāñ hue to haiñ

ta.abīreñ dekh dekh ke hairāñ hue to haiñ

kuchh ḳhvāb-sāz aaj pareshāñ hue to haiñ

ai dil chalo ki mil ke mudārāt-e-ġham kareñ

yādoñ ke anjum aaj daraḳhshāñ hue to haiñ

ab apnī hasratoñ ko basā.eñge ham vahīñ

kuchh shahr-e-ārzū abhī vīrāñ hue to haiñ

bajne lageñgī saaz pe zanjīreñ ḳhud-baḳhud

dīvāne un kī zulf ke raqsāñ hue to haiñ

baaqī hai dil par aaj bhī qarz-e-nigāh-e-yār

dāman hazār baar garebāñ hue to haiñ

mātam-kade meñ sāz-e-shikasta liye hue

kuchh ahl-e-dard haiñ jo ġhazal-ḳhvāñ hue to haiñ

aasar zindagi ke numayan hue to hain

mana dahan-e-zaKHm hain KHandan hue to hain

tabiren dekh dekh ke hairan hue to hain

kuchh KHwab-saz aaj pareshan hue to hain

ai dil chalo ki mil ke mudaraat-e-gham karen

yaadon ke anjum aaj daraKHshan hue to hain

ab apni hasraton ko basaenge hum wahin

kuchh shahr-e-arzu abhi viran hue to hain

bajne lagengi saz pe zanjiren KHud-baKHud

diwane un ki zulf ke raqsan hue to hain

baqi hai dil par aaj bhi qarz-e-nigah-e-yar

daman hazar bar gareban hue to hain

matam-kade mein saz-e-shikasta liye hue

kuchh ahl-e-dard hain jo ghazal-KHwan hue to hain