aashiqon ke sair karne ka jahan hi aur hai
aashiqon ke sair karne ka jahan hi aur hai
Shaikh Zahuruddin Hatim
MORE BYShaikh Zahuruddin Hatim
āshiqoñ ke sair karne kā jahāñ hī aur hai
un ke aalam kā zamīn o āsmāñ hī aur hai
pūchhtā phirtā hai kyā har ek se un kā surāġh
lā-makāñ haiñ un ko rahne kā makāñ hī aur hai
āzmā.ish in kī vaz.on kā tujhe hai gā zarar
ye vo firqa hai ki in kā imtihāñ hī aur hai
kyā ḳharīdegā ḳharāb-ābād ke bāzār meñ
dard kī ho jins jis meñ vo dukāñ hī aur hai
sañg o gul kā tauf ho tujh ko mubārak hājiyo
hazrat-e-dil ke haram kā kārvāñ hī aur hai
baiThne ko shāḳh-e-tūbā par nahīñ kartīñ nigāh
is chaman kī bulbuloñ kā āshiyāñ hī aur hai
us ko kyā nisbat kisī afsāna-o-qisse ke saath
ishq ke daftar kī 'hātim' dāstāñ hī aur hai
aashiqon ke sair karne ka jahan hi aur hai
un ke aalam ka zamin o aasman hi aur hai
puchhta phirta hai kya har ek se un ka suragh
la-makan hain un ko rahne ka makan hi aur hai
aazmaish in ki wazon ka tujhe hai ga zarar
ye wo firqa hai ki in ka imtihan hi aur hai
kya KHaridega KHarab-abaad ke bazar mein
dard ki ho jins jis mein wo dukan hi aur hai
sang o gul ka tauf ho tujh ko mubarak hajiyo
hazrat-e-dil ke haram ka karwan hi aur hai
baiThne ko shaKH-e-tuba par nahin kartin nigah
is chaman ki bulbulon ka aashiyan hi aur hai
us ko kya nisbat kisi afsana-o-qisse ke sath
ishq ke daftar ki 'hatim' dastan hi aur hai
- Book : Diwan-e-Zadah (Pg. 312)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
