aasman bhi pukarta hai mujhe

āsmāñ bhī pukārtā hai mujhe

āshiyāñ bhī lubhā rahā hai mujhe

aks āḳhir kahāñ gayā merā

aa.ina kyuuñ chhupā rahā hai mujhe

mujh meñ sūraj ugā ke chāhat kā

vo saverā sā kar gayā hai mujhe

ġham kī bārish se ban ga.ī dariyā

ik samundar bulā rahā hai mujhe

sub.h kī sard sī fazā thī maiñ

ġham kā sūraj tapā rahā hai mujhe

mere andar bhañvar bhī hai koī

tujh se mil kar pata chalā hai mujhe

maiñ ridā huuñ jo bevafā.ī kī

kyuuñ musalsal tū oḌhtā hai mujhe

ḳhūb-sūrat se gul kā paikar huuñ

apne anjām kā patā hai mujhe

ek aisī ġhazal huuñ maiñ 'sīmā'

har koī gungunā rahā hai mujhe

aasman bhi pukarta hai mujhe

aashiyan bhi lubha raha hai mujhe

aks aaKHir kahan gaya mera

aaina kyun chhupa raha hai mujhe

mujh mein suraj uga ke chahat ka

wo sawera sa kar gaya hai mujhe

gham ki barish se ban gai dariya

ek samundar bula raha hai mujhe

subh ki sard si faza thi main

gham ka suraj tapa raha hai mujhe

mere andar bhanwar bhi hai koi

tujh se mil kar pata chala hai mujhe

main rida hun jo bewafai ki

kyun musalsal tu oDhta hai mujhe

KHub-surat se gul ka paikar hun

apne anjam ka pata hai mujhe

ek aisi ghazal hun main 'sima'

har koi gunguna raha hai mujhe